THIRRJE PËR OFERTË
ALB067-C19
Offer Request: 026-21
Shoqata Roma Versitas Albania është një person juridik shqiptar i regjistruar me Vendimin Nr. 5347 të Gjykatës së Rrethit Gjyqësor Tiranë, më 30.05.2016 dhe ushtron veprimtarinë e saj në përputhje me legjislacionin shqiptar në fuqi, Neni 39 53/1 I Kodit Civil, Ligji Nr. 8788, datë 07.05.2001 “Për Organizatat Jofitimprurëse”, Ligji Nr. 8789, datë 07.05.2001 “Për regjistrimin e Organizatave Jofitimprurëse”, si dhe bazuar në statutin që pasqyron qëllimet dhe programet e saj, të cilat lidhen me rritjen akademike dhe profesionale të studentëve romë, si dhe punësimin e tyre.
Në mbyllje të vitit ushtrimor 2021 Roma Versitas Albania shpall thirrjen për:
PËRGATITJE E PASQYRAVE FINANCIARE TË ORGANIZATËS ROMA VERSITAS ALBANIA PËR VITIN USHTRIMOR 2021
Rreth thirrjes:
Janë të ftuar të gjithë zyrat kontabël apo individët e licencuar dhe të interesuar për të paraqitur ofertën e tyre financiare dhe për t´u bërë pjesë e procesit të përzgjedhjes.Organizata gjatë vitit 2021 ka veprime në 10 llogari bankare dhe afërsisht 2’000 transaksione financiare.Roma Versitas Albania do të vërë në dispozicion të gjithë dokumentacionin e veprimeve financiare të realizuara gjatë vitit ushtrimor 2021.
Oferta juaj duhet të përbëhet nga:
1. Oferta ekonomike (formulari në vijim);
2. Oferta Profesionale-Ligjore:
• Kopje e Ekstraktit Historik të lëshuar nga Qendra Kombëtare e Biznesit jo më parë se tre muaj nga data e dorëzimit të ofertës;
• Kopje e Licencës nga IKM / IEKA / ACCA;
• Curriculum Vitae të ekspertit/ekspertëve të kompanisë.
Detajet e kërkuara janë:
• Përgatitje e pasqyrës së pozicionit financiar për vitin ushtrimor 2021;
• Përgatitje e pasqyrës së të ardhurave dhe shpenzimeve per vitin ushtrimor 2021;
• Përgatitje e pasqyrës së fluksit të mjeteve monetare për vitin ushtrimor 2021;
• Përgatitje e shënimeve shpjeguese për vitin ushtrimor 2021.
Kriteret e përcaktimit të ofertës fituese:
• Ofertat e dorëzuara pa çmime të specifikuara, pa dokumentet e kërkuara më lart si dhe jashtë afatit të përcaktuar nuk do të merren parasysh.
• Roma Versitas Albania do të përzgjedhë furnizuesin që i përshtatet më së miri nevojave të saj bazuar në disa kritere:
• eksperiencën e ofertuesit, veçanërisht në përgatitjen e pasqyrave financiare për organizata jofitimprurëse;
• ofrimin e sigurisë për ruajtjen e të dhënave dhe konfidencialitetit;
• kombinimi më i favorshëm i eksperiencës dhe ofertës ekonomike.
Dorëzimi i ofertës:
Monedha e kërkuar për ofertim duhet të jetë në Lekë.
Oferta ekonomike duhet të përfshirë TVSH-në (nëse ofertuesi është i regjistruar në këtë kategori).
